Ginpanawagan sang ICC Office of the Prosecutor kag sang Office of Public Counsel for Victims sa International Criminal Court Appeals Chamber nga ibasura ang apela ni anay Presidente Rodrigo Duterte batuk sa nauna nga desisyon nga may hurisdiksiyon ang ICC sa iya kaso.
Suno sa Office of the Prosecutor, sala kag indi insakto ang mga argumento sang legal team ni Duterte kag dapat padayon ang proseso batuk sa iya.
Nagpasa man sang kapareho nga sabat ang Office of Public Counsel for Victims kun sa diin suno kay Principal Counsel Paolina Massidda, ang pag-withdraw sang Pilipinas sa Rome Statute indi makapugong sa ICC nga mag-imbestigar sa mga kaso nga natabo sang myembro pa ang Pilipinas sang ICC.
Ginaapela ni Duterte nga baliskaron ang ruling nga nagapati nga may hurisdiksiyon ang ICC sa iya kaso.
Sa karon, ginapangatubang ni Duterte ang kaso nga crimes against humanity may kaangtanan sa kontrobersyal nga war on drugs sang iya termino bilang Presidente.
