ILOILO CITY – Makabig na nga COVID-19 free ang Iloilo City Police Office matapos nga nagnegatibo sa ika duha nga RT-PCR test ang duha ka pulis nga una nga nagpositibo sa nasambit nga virus.
Sa interview sang Bombo Radyo kay Iloilo City Police Office Director Police Col. Eric Dampal, iya ginpahayag nga negatibo na sa COVID-19 ang duha ka pulis lakip na ang tanan nga naka-angkon sang close contact.
Suno kay Dampal, ang duha ka pulis ang wala anay ginpabalik sa trabaho apang umpisa kahapon, Hulyo 2, balik-trabaho na ang ila mga kaupdanan sa Mandurriao Police Station.
Ginpahayag ni Dampal nga ang mga pulis nga nagserbe nga augmentation sa Mandurriao Police Station ang balik naman sa ila mother unit.
