Ginkumpirmar sang Iloilo City Police Station 2 nga wala sang malain nga record sa police station ang truck driver nga ginluthang patay sa Brgy. Banuyao, Lapaz, Iloilo City kaagahon kahapon nga adlaw, Agosto 1.
Sa interview sang Bombo Radyo kay Police Major Sonny Boy Garnace, OIC sang La Paz Police Station, iya ginpahayag nga yara sa tatlo tubtob apat ka tuig na ini nga nagaubra sa trucking service kag wala man ini sang record sa kapulisan nga may ara sang ginhimo nga malain nga butang.
Sa karon, padayon sa gihapon nga ginatumod sang kapulisan ang gintunaan sang krimen.
Nahibaluan nga pila ka mga igo sang bala sa ulo kag abaga ang naagom ni alyas Sonny rason sang iya nga kamatayon.
Suno pa sa kapuliasan, antes natabo ang krimen, nag-inom-inom pa ang biktima kag mga kaupod sini sa trabaho kag sang natulugan na ini amo na kag natabo ang pagluthang-patay sa iya.
Padayon gihapon ang backtracking sa identity sang suspek subong man sa CCTV footage malapit sa gintunaan sang krimen.
By: Bombo Xandee Bryan Balogo
