ILOILO CITY – Plano sang Iloilo City Government nga magbakal sang dugang nga generator set agud nga indi na mauntat ang operasyon sang Iloilo City Hall sa tion nga may power interruption.
Madumduman nga sang nagligad nga adlaw, temprano pa nga ginpapauli ang mga empleyado bangud nga naguba ang power system sang Iloilo City Hall.
Sa interview sang Bombo Radyo kay Iloilo City Mayor Jerry Treñas, iya ginpahayag nga mas makapaayo nga may yara sang reserba nga generator nga mahimo magamit sa tion sang power interruption.
Suno kay Treñas, wala gintutukan sang nakaligad nga administrasyon ang preventive maintainance sang equipment nga rason sang pagkaguba sini.
Apisar nga wala pa nadala sa 2020 budget ang pagbakal sang generator set, ginpahayag sang alkalde nga iya pangitaan sang paagi agud nga matigayon ang nasambit nga plano.
