ILOILO PROVINCE – Nagpirma na ang Iloilo Province sang kasugtanan sa British-Swedish multinational pharmaceutical kag biopharmaceutical company nga AstraZeneca agud magbakal sang COVID-19 vaccine.
Sa interview sang Bombo Radyo kay Iloilo Gov. Arthur Defensor Jr., iya ginpahayag nga isa ang Iloilo Province sa mga pinakauna nga Local Government Unit (LGU) nga nagpima sang agreement sa AstraZeneca.
Suno kay Defensor, ang nasambit nga bakuna amo ang AZD1222.
Apang bangud sa pandemya, online ang ginpatigayon nga pagpirma sang agreement.
Lakip sa mga nagpirma amo sanday AstraZeneca President Lotis Ramin, Department of Health Secretary Francisco Duque III, National Policy Against Covid-19 chief implementer kag vaccine czar, Secretary Carlito Galvez Jr.
Ang Iloilo Province ang inisyal nga magabakal sang 270,000 nga doses sang COVID-19 vaccine.
