Naghina sa 6.2% ang inflation rate sang Pilipinas sang nagligad nga bulan sang Hulyo halin sa 6.4% sang bulan sang Hunyo suno sa Philippine Statistics Authority.
Nagapabilin naman nga mataas ang presyo sang mga nagapanguna nga balaklon, ilabi na ang pagkaon, bugas, kag kuryente nga padayon sa pagpabug-at sa mga galastuson sang mga Pilipino.
Pinakadako nga epekto sini amo nga 30% sa budget sang mga magpamilya ang nagakadto sa pagkaon.
Suno naman sa gobyerno nga amat-amat na nga nagakaapekto ang mga tikang nga ginapatigayon sang mga ini agud nga mapanubo ang inflation.
Padayon naman ang mga programa sini agud nga mapabilin nga makaya sa gihapon sang mga konsyumer ang presyo sang mga nagapanguna nga balaklon.
