ILOILO – Wala sang daku nga epekto sa probinsya sang Iloilo kun ipatuman sa Iloilo City ang modified enhanced community quarantine (MECQ), ang ikaduha sa pinaka-istrikto nga quarantine status sa pungsod.
Ang probinsya sang Iloilo naman ang na-classify subong sa idalom sang Modified General Community Quarantine (MGCQ).
Sa interview sang Bombo Radyo kay Iloilo Governor Arthur Defensor, Jr., iya ginpahayag nga kun aprubahan na sang National Inter-Agency Task Force ang MECQ request sang Iloilo City, wala man sang epekto ini sa probinsya bangud operational capacity man lang sang mga establisemento kag pagdumili sa mass gatherings ang madala nga pagbag-o sa sini nga quarantine classification.
Gin-athag man ni Defensor nga wala sang border restrictions nga matabo.
