Subong nga Enero, puerte kalamig kun magbangon ikaw sa aga.
Ano pa gid ayhan kun pahulumon ikaw sa ice? Ano ayhan kalawig ang imo masarangan?
Pinasahi ini nga babayi sa Poland nga nang-guba sang world records bangud sa iya pagtinir sang tatlo ka oras, anum ka minutos, kag 45 segundos samtang nagatindog sa sulod sang box nga puno sang ice.
Tubtub sa iya liog ang ice gani ma-imagine mo kun ano ini katugnaw! Apang ini ang rason kun ngaa ginauyatan na sini subong ang Guinness World Record.
Ini amo si Katarzyna Jakubowska, 48, nga kilala nga nag-set sang longest duration full body contact with ice (female-category).
Ang male version sa sini nga rekord ang nakalawig sang 3 hours, 11 minutes and 27 seconds nga nahimo naman sang Polish nga si Krzysztof Gajewski.
Pahayag ni Katarzyna, pamatuod ini sang kusog sang mga babayi. “I believe that we have great strength as women. I wanted to show with my person that if we want something, we can do it.”
Antes ang pagsabak sa challenge, nagpaidalom si Katarzyna sa medical tests agud masiguro nga indi maapektuhan ang iya ikaayong lawas.
Naghimo ini sang tatlo ka practice attempts kag gin-monitor gid sang maayo ang iya nga body temperature fluctuations.
Ang iban nga preparasyon sini amo ang treatments kaangay sang hyperbaric oxygen therapy kag masahe amo man ang self-hypnosis.#
(Guinness World Record)
