ILOILO CITY- Isa ka tawo ang patay kag isa ang nagapabilin sa ospital matapos nga natampukan sang duta sa natabo nga landslide sa Brgy. Anabo, Lemery, Iloilo.
Ang napatay nga biktima amo si Rodolfo Escorpeso Jr. samtang ang isa ka biktima nga padayon pa nga gina-revive sa ospital amo si Godfredo Agnes,51, lunsay residente sang Brgy. Bankal, Lemery.
Suno sa otoridad, nagapangbungkal sang duta ang mga biktima kag ginasulod sa sako sang natiphag ang dako nga porsyon sang bukid kag natabunan ang duha.
Gindala sa ospital sa banwa sang Sara ang mga biktima apang gindeklarar nga dead on arrival si Escorpeso.
