Zarraga, Iloilo- Isa patay matapos nagbungguanay ang sports utility vehicle kag elf truck sa Barangay Sambag, Zarraga Iloilo.
Ang biktima amo si Julius Desucatab sang Barangay Tiwi, Barotac Nuevo, Iloilo nga driver sang sports utility vehicle.
Sa interview sang Bombo Radyo kay Police Captain Raffy Señeres, hepe sang Zarraga Municipal Police Station, iya ginpahayag nga nag-overtake ang sports utility vehicle sa kotse sa iya unahan.
Apang, naalangan ini kag nasugata ang nagpadulong nga elf truck sa pihak nga dalan.
Nagbalik pa ang sports utility vehicle sa iya linya kag nabungguan sini ang kotse sa iya unahan.
Naulamid naman ang motorsiklo nga nagasunod sa nalikod nga bahin sang elf truck.
Suno kay Señeres, patay ang driver sang sports utility vehicle kag gindala sa ospital kaupod ang iya duha ka mga pasahero.
