Nagpahayag sang iya pagkadismaya si presidential sister kag Senate panel chairperson Imee Marcos sa makabig suno sa iya nga pagtugyan sang gobyerno kay former President Rodrigo Duterte sa International Criminal Court (ICC) agud atubangon ang charges nga crimes against humanity.
Sa ginpatigayon nga Senate foreign relations committee hearing naangot sa pag- aresto kay Duterte, ginpakita ni Marcos ang mga serye sang video clips humalin sang ginserbe ang warrant of arrest kay Duterte tubtob nga ginbyahe ini padulong sa Netherlands.
Suno kay Marcos, kaangay nga gintugyan si Duterte sa dumuluong nga kasubong nga wala siya sang kaugalingon nga pungsod.
Pahayag niya, ang natabo ang indi lamang natuhoy kay Duterte kundi sa dignidad sang mga Pilipino.
Suno sa iya, ang hustisya nga ginapatuman sang dumuluong ang indi hustisya kundi pagpang-ulipon kag pagkontrol.
