Gin-ako sang Bureau of Corrections (BuCor) nga indi gihapon drug-free ang New Bilibid Prison bangud naga-gamit gihapon ang mga preso sang nagkalain-lain nga paagi agud mag-smuggle sang iligal nga droga sa sulod sang pasilidad.
Sa Senate hearing sa Committee on Justice and Human Rights, ginpahayag ni Director General Gregorio Catapang Jr. nga ginagamit pa ang condom agud butangan sang shabu kag ipadala sa mga babayi agud makalusot sa Bilibid.
“Iyong condom – pagpaumanhin niyo po – nilalagay po doon ang shabu. Tapos ilalagay sa pw*rta ng mga babae, hindi naman po namin pwedeng kapkapan iyong mga babae. Makakasuhan naman kami ng human rights,” suno sa director-general.
May mga ginadala man nga itlog nga i-incubate sa sulod sang Bilibid, kag kun mahimo na nga pating, ginahanas ini tubtub nga kun may mag-abot nga bisita nga may dala nga shabu, diri ipadala ang droga pabalik sa pugad.
“Pinaka-latest po iyong mga kalapati. Iyong mga bata o mga bisita nila, may dalang itlog. I-incubate doon, so after so many months, mapipisa. Tapos palalakihin, tuturuan iyong mga kalapati maglipad-lipad doon sa paikot. Pagdating naman noong mga bisita nila, ibibigay iyong kalapati tapos matututo na iyong kalapati na bumalik doon sa kanilang pugad,” pahayag ni Catapang.
Suno pa sa BuCor, ginlista naman subong ang mga kontrabando nga nakumpiskar sang otoridad.
Gin-ako man ni Catapang nga halog ang seguridad sa Bilibid.
Sang Hulyo 2023, may isa ka preso nga nakapalagyo nga nagkabit lamang sa idalom sang truck sang basura.
Ginpahayag man sang director-general nga ginalantaw na subong ang pagpasaka sang kaso-administratibo kag kaso-kriminal batok sa mga personnel kasunod sang amo nga insidente. #
