ILOILO CITY- Ipatawag ni Janiuay, Iloilo Mayor Paulino Parian ang tanan nga principal sa mga eskwelahan sa nasambit nga banwa agud maistoryahan ang pagpasangkad pa sang mga programa para sa mga kabataan.
Ini kasunod nga may nakit-an nga sachet sang iligal nga droga sa isa ka Grade 9 student sa ginpatigayon nga on-the-spot inspection sa sulod sang eskwelahan.
Sa interview sang Bombo Radyo kay Mayor Parian, may mga programa na nga ginapatuman sa mga eskwelahan apang dapat nga mangin regular ini kag indi nga kun kaisa lang gina-implementar.
May yara man suno sa iya sang mga personnel sang Rural Health Units nga regular nga naga-check sa mga estudyante sa eskwelahan agud mahibaluan ang ila kondisyon sa ikaayong lawas.
