Gin-anunsyo sang 20-time Grand Slam champion nga si Roger Federer nga nag-isol siya sa nagahilapit nga Tokyo Olympic Games bangud sang ginapahayag “setback” sa iya recovery kasunod sang naangkon nga knee injury.
Matandaan nga ginpierde sang 24 anyos nga Polish tennis star kag world No.18 nga si Hubert Hurkacz si Federer sa quarter-finals sang Wimbledon sang nagligad nga semana.
Nahibaluan nga antes pa man ang amo nga hampang, napaidalom na ang 39 anyos nga si Federer sa duha ka surgery sa iya nga tuo nga tiil sang 2020.
Ang tennis competitions sa Japan ang magaumpisa na sa Hulyo 24, isa ka adlaw matapos ang opening ceremony.
Wala pa nakaagi si Federer sa pagdaog sang Olympic singles gold medal
Samtang, indi man makahampang si British number one Johanna Konta sa Tokyo Olympics.
Ini ang kasunod sang impact sang coronavirus symptoms sa iya nangin preparasyon sa summer Games.
Matandaan nga wala nakatigayon nga nakahampang sa Wimbledon si Konta matapos nga nagpositibo sa Covid-19 ang miyembro sang iya nga team.
Sang ulihi, mismo si Konta ang nagpositibo man sa amo nga balatian.
Nagpahayag ang 30 anyos nga British professional tennis player nga i-cheer gid niya ang mga atleta sang British Olympic Association nga magatiglawas sa Tokyo Olympics.
