Gin-umpisahan na sang pwersa-militar sang Pilipinas kag Australia ang joint drills sang duha ka pungsod sa Camp Capinpin sa Tanay, Rizal bilang kabahin sang “Exercise Kasangga” 2023.
Masobra 40 ka mga katapo sang Australian Army ang magatudlo sa 100 ka tropa halin sa Philippine Army 2nd Infantry Division kaangot sa mga techniques sa urban warfare, counter-terrorism, kag closed-quarter battle training.
Lakip man sa itudlo amo ang leksyon sa long-range markmanship technique.
Nahibaluan nga bilang kabahin sang Australia-UK-US Defense Agreement, ginasuportahan man sang Australia ang freedom of navigation sa West Philippine Sea.
Suno kay Brigadier General Jose Agusto Villareal, Assistant Division Commander sang 2nd Infantry Division, pila lamang ini sa trainings nga magapauswag pa sa abilidad sang mga soldado sa Pilipinas– ukon mga defensive posture pananglitan makabaton sang pagpamahog ukon pagpang-atake ang Pilipinas.
Natalana pa nga mag-abot sa pungsod sa masunod nga bulan ang ikaduha nga batch sang tropa halin sa Australia para sa pagpadayon sang training sa Tanay.
