Ginsuguran sang singer-songwriter nga si Jose Mari Chan ang pag-abi-abi sa ‘ber’ months paagi sa pagpanawagan mga Pilipino nga magbulig sa mga naapektuhan sang pagbaha sa nagkalain-lain nga bahin sang pungsod.
Suno kay Chan, dapat magpaambit kag magbulig sa mga nagakinahanglan ang mga Pilipino nga nagrasyahan sang bastante nga manggad.
“God has blessed us with enough property and wealth. We should help those who are in need. There are so many brother and sister Filipinos out there who need help,” suno sa Ilonggo singer. “We should always reach out and help them.”
Nahibaluan nga suno sa National Disaster Risk Reduction and Management Council (NDRRMC), 7.5 million ka tawo ang naapektuhan sang kumbinasyon sang mga bagyo kag habagat sa 10 ka rehiyon sang pungsod.
Si Chan, nga subong 81 anyos na, ang madugay na nga ginatawag nga Father of Philippine Christmas Music, bangud sa iya mga Christmas songs pareho sang “Christmas in Our Hearts” kag “A Perfect Christmas” nga ginakabig niya nga “lasting legacy” diri sa kalibutan.#
