Indi kuntento ang kalabanan nga mga Pinoy kun paano gina-handle sang Marcos Jr. administration ang problema sa inflation kag kapigaduhon sa pungsod.
Ini apisar nga nakit-an nga nagnubo na ang inflation rate halin sang nagliligad nga binulan.
Sa resulta sang Disyembre 10- 14 nga survey sang Octa Research kag ginpaguwa kahapon nga adlaw, Pebrero 17, record-high nga 75 percent sang respondents ang nagsiling nga wala sila nanamian sa performance sang gobyerno sa pagtapna sa nagasaka nga presyo sang mga balaklon.
Sais porsyento lamang ang nagsiling nga kuntento sila samtang 19% naman ang indi maka-desisyon.
Sang Oktubre 2023, matandaan nga sa amo man nga survey nga ginpatigayon sa reaksyon kun paano gin-kontrol sang gobyerno ang inflation, 11% nga mas mataas ang indi kuntento subong nga period bangud 65% lamang ang na-rekord sang amo nga bulan.
Matandaan nga gin-report sang Philippine Statistics Authority (PSA) nga naghinay sa 2.8 percent ang inflation sang Enero 2024 nga amo ang pinakamanubo sa nagligad nga tatlo ka tuig.
Mas manubo ini ipaanggid sa 4.9 percent sang Oktubre, 4.1 percent sang Nobyembre kag 3.9 percent sang Disyembre.#
(Photo: EDD GUMBAN)
