Patay ang isa ka barangay kagawad matapos nga gintiro sang makapila ka beses sa sulod sang barangay hall samtang ini ang nagakatulog sa Payar, Malasiqui, Pangasinan.
Ang biktima amo si Sonny Caspillan Sr., 61-anyos.
Suno sa otoridad, kaupod sang biktima sa sulod sang barangay hall ang duwa ka civilian volunteer officers sang ginsulod sila sang pila ka armado nga tawo kag gintiro.
Madasig nga nagpalagyo ang mga suspek.
Naistorya pa ang biktima antes ini nabugtuan sang ginhawa kag ginakabig nga makabulig ini sa imbestigasyon.
