Nagapangayo sang public retraction kag apology ang abogado ni anay House Speaker Martin Romualdez halin sa Bureau of Immigration (BI) bangud sa ginapahayag pagpalapta sang mga ini sang fake news.
May kaangtanan ini sa report sang Bureau of Immigration nga nakabaton sila sang impormasyon nga makapila ka beses gina-alegar nga nagtinguha ang kongresista nga magguwa sa pungsod apisar may ara sang precautionary hold departure order batok sa iya.
Nagapangayo man sang sabat ang kampo sang kongresista kun bala sa diin sang mga ini nakuha ang amo nga impormasyon, paano ini nila gin-verify, kag sino ang nag-authorize nga isapubliko ini.
Nahibaluan nga sang nagligad nagpabutyag na si Romualdez nga handa sini nga atubangon ang ano man nga reklamo nga ipasaka batok sa iya.
May kaangtanan ini sa pagkadalahig sang iya pangalan sa flood control scheme.
