Ginbawian sang kabuhi ang isa ka lalaki matapos ginkastigo kag ginbuno gamit ang stick sang banana cue sa Tanay, Rizal.
Ang biktima amo si alyas Ed nga nagaedad sang 48-anyos.
Ang mga suspek naman amo si alyas Ronald, 28-anyos, kag amay sini nga si alyas “Lando” nga nagaedad 50-anyos.
Base sa pahayag ni alyas “Ronald”, ginsugo siya sang biktima nga magtakod sang kadena sa motorsiklo.
Suno sa suspek, wala siya nagpati sa biktima gani ginsipa siya sini kag ginhanaan sang kutsilyo.
Nanugid si alyas “Ronald” sa iya amay tuhoy sa ginhimo sa iya ni alyas “Ed”.
Sang nagsugataay ang ila banas, nagkomprontahanay sanday alyas “Ed” kag “Lando”.
May dala nga balisong si “Ed” kag stick sang banana cue ang dala ni “Lando”.
Nag-abot naman si Ronald kag ginsumbag ang biktima kag didto na nabun-an ini sang amay nga suspek.
Pilas sa liog kag dughan ang naangkon sang biktima nga gindeklarar nga dead-on-arrival sa ospital.
May mga pilas man ang mag-amay.
Pareho nga arestado ang mga suspek apang nanindugan nga self-defense lang ang ila ginhimo.
