ILOILO CITY – Sa subong nga panahon, madamo sang nagahambal nga tuman na ka laka sang everlasting love.
Apang sa India, isa ka lalaki ang nagpatuod nga ang matuod nga paghigugma ang wala nagakapatay.
39 ka tuig nga mag-asawahay si Tapas Sandilya kag ang iya asawa apang napatay ini sa kasagsagan gid sang pandemya.
Ang iya asawa ang gindala sa ospital samtang siya ang ginpa-idalom sa isolation gani wala siya sa tupad sang iya asawa sang napatay ini.
Agud nga mahimo ang final wishes sang iya asawa, nagpangita si Tapas sang artist nga makahimo sang isa ka estatwa ni Indrani nga himo sa silicone.
Naggasto sang ginabanta $3,000 ukon masobra sa P620, 000 si Tapas para lang sa indi kinaandan nga proyekto.
Suno sa iya, gusto sang iya asawa nga kun mapatay ini, himuan man ini sang estatwa.
Ang hitsura sang amo nga estatwa ang kaangay gid sa iya asawa.
Sang natapos ang estatwa, ginbutang ini sa lugar sa ila balay kun sa diin masami nga nagatinir ang iya asawa.
Ini nga istorya ang nagapakita lamang nga ang tawo lang ang nagataliwan apang indi ang ginatawag nga true love.
