ILOILO CITY – Aprubado na ni President Ferdinand Marcos Jr. ang mga layi nga nagatukod sang mga district engineering offices sang Department of Public Works and Highways (DPWH) sa Bukidnon, Negros Occidental, Bataan, Bulacan, kag Iloilo.
Sa interview sang Bombo Radyo kay Iloilo 3rd district Rep. Lorenz Defensor, Deputy Majority Leader sa Kamara, iya ginpahayag nga ginakalipay niya nga napirmahan na ang Republic Act No. 12005, nga nagatukod sang Iloilo Sixth District Engineering Office.
Suno kay Defensor, ang district engineering office ang makabaton sang pondo halin sa budget sang national government.
Ginapanan-aw nga tukuron ang district engineering office sa Pototan, Iloilo.
Magahatag naman ini sang serbisyo sa mga banwa sang Badiangan, Cabatuan, Calinog, Janiuay, Lambunao, Maasin, Mina, kag Pototan.
