ILOILO CITY – Gin-disqualify sang Commission on Elections si Carmen Geraldine Rosal bilang alkalde sang Legazpi City, isa ka bulan matapos nga gin-disqualify man ang iya bana bangud sa paglapas sang provision sang election code sa pag-release sang public funds sang campaign period.
Sa 21 ka pahina nga resolution, gin-grants sang division ang petition nga gin-file ni Joseph San Juan Armogila nga i-disqualify si Rosal bangud sa gina-alegar nga vote-buying sa pag-upod sa duha ka adlaw nga cash assistance payout para sa mga tricycle drivers kag senior citizens nga ginpatigayon sang iya nga bana nga anay alkalde nga sakop pa sang 45-day campaign spending ban.
Sa imbestigasyon, nagagwa nga wala sang salabton si Rosal sa vote-buying apang, nagbenepisyo ini sa proyekto sang local government unit kun sa diin, ang public funds ang gin-release, kag gin-disburse.
Suno sa resolusyon, ang iya nga presensya ang nag-render sang moral assistance sa banwa kag daw kaangay nga nalipatan niya nga isa siya ka kandidato upod sa iya bana.
Sang nagligad nga bulan, gin-disqualify man ang iya bana nga si Albay Governor Noel Rosal bangud sang paglapas sa spending ban sa pagpatigayon sang payout sang nasambit nga financial assistance program.
