Pilason ang lima ka madre kag isa ka monghe sang mabungguan sang trailer truck ang ila nga ginasakyan sa Barangay Sampagar, Damulog, Bukidnon.
Sa malain nga palad, napatay ang ila nga driver nga si Alfredo Lagrimas, 65-anyos.
Suno sa impormasyon halin sa Municipal Disaster Risk Reduction and Management Office (MDRRMO) Damulog, halin ang mga biktima sa Malaybalay City, Bukidnon kag padulong sa South Cotabato.
Ginpahayag nga madasig ang dalagan sang trailer truck sa kurbada nga porsyon sang dalan kag gin-agaw ang linya sang van.
Madasig naman nga gindala ang mga biktima sa Bukidnon Provincial Hospital-Kibawe.
Padayon ang imbestigasyon sang otoridad.
