Arestado ang 62-anyos nga iloy matapos sini ginpatay ang iya mismo nga bana sa Bagong Silangan, Brgy. San Nicolas 3, Bacoor City.
Base sa imbestigasyon sang kapulisan, nakaagum sang madamo nga buno sa nagkalain-lain nga parte sang lawas ang biktima nga gintunaan sang iya kamatayon.
Wala pa nahibaluan sang kapulisan ang pagkakilanlan sang bana.
Samtang, ang asawa ang ginkilala kay alyas “Marlyn”, kag ang tatlo ka kabataan nga ginapahayag involve sa paghimu sang krimen amo sanday “Margie” ang 24-anyos, “Marlon”, 38-anyos kag “Candy” 33-anyos, nga lunsay residente sang nasambit nga barangay.
Base sa imbestigasyon sang mga otoridad, nagagwa nga involve ang tatlo ka kabataan bangud nga ginapahayag nasaksihan sang mga ini ang pagpatay sang ila iloy sa ila nga amay apang wala sang mga ini gin-report ang krimen matapos nga ginpahog sila sang ila nga iloy nga patyon.
Pahayag pa nga antes matabo ang krimen, nakabati ang mga kaingod nga balay sang pagbaisay sang mag-asawa.
Dugang pa, pagkatapos sang madugo nga krimen, nahimo pa nga labhan sang misis ang bayo sang biktima nga may yara sang mga dugo para kuntani taguon ang iya nga ginhimu.
Sa subong, naka-detain sa Bacoor Police Station ang mag-iloy kag nagapangatubang sang kaso nga parricide.
Text by: Bombo Shaine Toleran
