Ginpanginwala sang Malacañang Palace ang alegasyon nga ginatarget sang administrasyon ni President Ferdinand Marcos Jr. ang mga senador sang majority bloc matapos nga may ara ang mga ini sang mga ginapangatubang nga kaso.
Suno kay Palace Press Officer Undersecreatry Claire Castro, madugay na nga may yara sang mga isyu nga ginapangatubang sanday Senator Jinggoy Estrada, Senator Joel Villanueva, kag Senator Rodante Marcoleta antes pa nahimo ang 13-ka miyembro nga majority bloc sa Senado.
Nahibaluan nga nagpagwa ang Office of the Ombudsman sang complaints nga magapasaka ang mga ini sang kaso nga plunder batok kay Estrada kag amo man kay Villanueva.
Samtang, nakakuha man ang Ombudsman sang precautionary hold departure order batok kay Marcoleta may kaangtanan sa isa ka plunder complaint.
Gin-athag ni Castro nga ang kaso ni Marcoleta naghalin mismo sa wala paglakip sini sa iya Statement of Contributions and Expenditures (SOCE) sa pag-donar sa iya sang kwarta nga nagabalor sang ₱75 milyon.
Ginpabutyag man ni Castro nga wala nagapangsilabot ang administrasyon sa imbestigasyon sang Ombudsman batok sa mga senador.
