Ginsabat sang Malacañang ang video ni Senator Imee Marcos nga nagapangayo sang pasaylo sa iya amay nga si late president Ferdinand Marcos Sr. bangud wala sini nabantayan sang maayo ang iya manghod nga si President Ferdinand “Bongbong” Marcos Jr.
Ginkwestyon ni Palace Press Officer Undersecretary Atty. Claire Castro kun sin-o gid man bala ang wala nabantayan sang maayo.
Suno kay Castro, kun lantawon si President Marcos, wala ini nagapamuyayaw, wala nagapamahog, kasado, may pamilya, kag tubtub subong loyal sa iya asawa nga si First Lady Louise ”Liza” Araneta-Marcos.
”Ang sabi niya ay ‘hindi nabantayan.’ Sino kaya talaga ang hindi nabantayan ng magulang at sino ba talaga ang hindi nabantayan ang kapatid?” suno kay Castro.
Dugang sini: ”Unang-una po, ang Pangulo, hindi po ito nagmumura, hindi ito nagmi-meltdown lalo na sa publiko at hindi po ito nagbabanta sa buhay ninuman. Ang Pangulo po ay ikinasal, may pamilya, hanggang ngayon ay faithful sa asawa. So, sino po kaya ang naging pasaway? Sino po kaya ang dapat binantayan?”
Nagdepensa man si Castro nga wala gin-guba ni Bongbong ang imahe sang iya mga utod.
”Alam po ng Pangulo ang nangyayari sa atin at sa mga pangyayari sa ating paligid. At asahan po natin na ang Pangulo, hindi po siya naninira ng kaniyang kapatid,” pahayag pa ni Castro.
Matandaan nga emosyonal si Imee sa iya video sang Lunes Santo nga nag-sorry kay Marcos, Sr. bangud suno sa iya, wala gid sini nasarangan nga bantayan si Bongbong apisar nga amo ini ang bilin sang ila amay.#
