Nagpanindugan ang Malacañang nga maayo ang kahimtangan sang ikaayong-lawas ni President Ferdinand ”Bongbong” Marcos Jr.
Ginsulit ini sang Palasyo matapos may nag-alegar nga mga kritiko nga nag-post si First Lady Liza Marcos sang Easter message nga naggamit sang daan na nga family picture kun sa diin mas maunod pa ang lawas sang presidente.
Sa press briefing, ginpakomento naman si Palace Press Officer Undersecretary Atty. Claire Castro kaangot sa mga huring-huring nga may balatian si Marcos.
”Tayo naman po ay may mainstream media. Siguro mas mangingibabaw dapat ang mainstream media kaysa sa mga socmed na walang basehan – so, huwag po tayo masyadong maniwala. Ang dami-dami pong fake news, pati po ako ay binibiktima ng fake news,” suno kay Castro.
”Maayos po siya. Mamaya po maaari ninyo po sigurong malaman at baka kayo ay maimbitahan sa oath-taking mamaya po,” dugang sini.
Nagsugod ang mga espekulasyon nga may masakit si Marcos sang gindala ini sa St. Luke’s Medical Center sa Quezon City sang Enero 21 matapos naglain ang pamatyag. Sang ulihi, na-diagnose siya nga may diverticulitis.
Mismo si Marcos ang nagpahayag nga nagniliwang gid man ang iya lawas bangud sang amo nga tion suno sa iya, lunsay sabaw lang ang iya diet bangud sa iya kondisyon.
Sang Pebrero 2026, ginsiling sini nga maayo ang iya health condition matapos nga naka-recover sa intestinal issue.
