Patay ang isa ka manghod matapos gintapungol sang makapila ka beses sang iya magulang matapos sila nagbaisay sa ilimnan sa Brgy. Lewin, Lumban, Laguna.
Ang napatay amo si Ian, 26-anyos kag residente sang nasambit nga lugar.
Ang suspek amo ang 40-anyos nga si alyas “Taguro” nga may pilas man tuga sang pagkabuno sa iya kilid.
Base sa imbestigasyon, samtang yara sa ilimnan, ginkay-o sang manghod ang speaker apang ginsaway ini sang magulang kag didto na sila nagbaisay.
Ginbuno sang biktima ang suspek gamit ang screw driver samtang nagbalos naman ang suspek paagi sa pagsumbag sang makapila ka bese sa iya manghod tubtob nga nawad-an sang pangalibutan.
Gindala ini sa ospital apang gindeklara nga dead-on-arrival bangud sa ginapahayag tuga sang internal hemorrhage.
Gindakop naman ang magulang nga nagapangatubang subong sang kaso nga parricide.
