ILOILO CITY- Nanindugan ang Syudad sang Iloilo nga legal ang pagpang-utod sang mga mangroves sa Iloilo Esplanade 1.
Sa interview sang Bombo Radyo kay Engr. Noel Hechanova, head sang City Environment and Natural Resources Office, iya ginpahayag nga may permit ang iya talatapan gikan sa Department of Environment and Natural Resources.
Apang suno kay Hechanova, trimming lang ang ila ginpatigayon kag wala sila sang tuyo nga patyon ang mga mangroves.
Suno sa iya, katuyuan sang trimming nga indi magsiot kag agud makit-an sang publiko ang matahum nga view sang Iloilo River.
Matandaan nga ginpakamalaut sang publiko ang nasambit nga lihok sang syudad matapos naglapta sa social media ang mga laragway sang ginpang-utod nga mga mangroves.
