Ginbuyagyag ni anay Department of Public Works secretary Manuel Bonoan nga si former Senate President Migz Zubiri ang iya na-istorya nahanungod sa “leadership funds” para sa mga senador sang 2024.
Sa iya testimonya batok kay anay Senator Bong Revilla sa Sandiganbayan 3rd Division, ginpakigbahin ni Bonoan nga ang Senate President ang may ara sang discretion kun pila ang pondo nga iga-alokar sa kada senador.
Suno kay Bonoan, yara sa P1 bilyon ang budget para sa mga senador nga chairman sang isa ka komite, samtang P500 milyon naman ang para sa mga wala sang ginapangunahan nga komite.
Kasunod sang amo nga pagbuyagyag ni Bonoan, madasig man nga ginpanginwala ni anay Senate President kag subong Senate Majority Leader Zuburi, ang akusasyon ni Bonoan.
Suno pa sa iya nga nahibaluan sang mga kaupod sini sa senado nga wala sang kamatuoran ang ginapalapta nga mensahe sang anay tiglikom.
Dugang pa sini nga wala ini maka-uyat sang listahan sang mga proyekto sang mga gina-proponer nga budget para sa mga proyekto sang una.
