ILOILO CITY – Liwat na naman nga nagsalakay ang bodul-bodul gang sa Syudad sang Iloilo.
Ini matapos nga isa ka manugsaging ang natontohan sang duha ka customer pinaagi sa pagbayad sang peke nga P1,000.
Sa interview sang Bombo Radyo kay Nancy Castor, manugbaligya sang saging sa Iloilo Terminal Market, iya ginpahayag nga may nagbakal sa iya nga lalaki sa balor nga P350 kag nagbayad sang P1,000.
May nagbakal naman nga babaye sa balor nga P170 kag nagbayad naman sang P1,000.
Ginpabilin lang sang duha ka mga customer ang ila mga ginbakal nga saging kag ginkuha lang ang ila kambyo.
Sa ulihi, ginbaligya na lang ni Castor ang saging bangud wala na nagbalik ang iya mga customer.
Sang ginbayad ni ang duha ka libo nga kwarta sa iya ginakuhaan sang saging, natukiban nga peke ang mga ini santo sa Electronic Fake Money Detector.
Samtang, sa interview sang Bombo Radyo kay Lea Salvo, market in charge sa Iloilo Terminal Market, iya ginpahayag nga mas maayo nga may yara sang Electronic Fake Money Detector ang mga vendors agud indi matontohan.
Ginpanugyan man ni Salvo sa mga vendor nga ihatag sa Bangko Sentral ng Pilipinas (BSP) ang peke nga kwarta agud indi na maglapta pa.
