Ginpa-Bombo sang isa ka iloy ang isa ka teacher sa Fort San Pedro Hational High School bangud nga wala sini ginpakuha sang exam ang iya anak.
Sa interview sang Bombo Radyo kay alyas Nene, iya ginpahayag nga naghibubun-ot sa iya ang iya anak bangud wala ini nakakuha sang exam sa 3rd quarter matapos nga wala ini nakapasa sang project.
Suno sa iloy, may nagpanas sang instruction sang manunudlo sa groupchat sang ila klase rason nga wala ini mabasahan sang iya bata kag wala naka-comply.
Pahayag ni, magluwas sa iya anak, may 9 ka iban pa nga mga estudyante nga wala man ginpakuha sang exam.
Suno sa iloy, kuntani naghatag man sang konsiderasyon ang amo nga manunudlo bangud kinamatarung man sang ila anak nga magkuha sang eksaminasyon.
Sa interview naman sang Bombo Radyo kay Mr. Freddie Gallardo, Principal sang Fort San Pedro Hational High School, iya ginpahayag nga madugay na gid man nga ginareklamo sang mga ginikanan ang amo nga manunudlo.
Suno kay Gallardo, halos kada quarter, may yara sang written complaints batok sa amo nga teacher bangud sa iya batasan.
Pahayag niya, manami man magtudlo ang amo nga maestra apang indi lang manami ang iya pamatasan nga ginapakita sa mga estudyante kag mangin sa mga ginikanan.
Sa pagkamatuod, makapila ka beses na niya nga ginasugilanon ang amo nga manunudlo apang kaangay nga wala man ini nagapamati.
Gin-athag man sang principal nga sa idalom sang DEPED guidelines, bisan absent ukon wala nakapasa sang proyekto ang estudyante, dapat hatagan gid ini sang exam.
