Indi magnubo sa P3 bilyon ang ginakita sang mga oil companies kada adlaw humalin sang naglupok ang krisis sa Middle East.
Ini suno kay Sen. Rodante Marcoleta may kaangtanan sa pagtimbuok sang presyo sang langis.
Suno kay Marcoleta, sa sulod lang sang duwa ka semana, lapaw na sa 120 porsiyento ang ginsaka sang litro sang diesel kag gasolina.
Base naman sa report sang Department of Energy, 32.5 milyon litro sang diesel kag 23.3 milyon litro sang gasolina ang daily consumption sang Pilipinas.
Pahayag ni Marcoleta, kun sumahon, yara sa P2.32 bilyon kada adlaw ang gross income sang oil companies.
Ginabanta nga 4,521,000 barrel sang gasoline ang makonsumo sang pungsod kada bulan.
Dugang ni Marcoleta nga kun tingubon ang diesel kag gasolina, nagalab-ot sa P3 bilyon ang gross income sa isa ka adlaw sang mga oil companies.
