Wala na sang tuyo si detained Senator Rodante Marcoleta nga magpartisipar sa impeachment trial ni Vice President Sara Duterte kun magpadayon suno sa iya ang mga proceeding nga ginaalegar sini nga nagalapas sa Konstitusyon.
Suno kay Marcoleta, lakip sa parte sang trial nga niya pagpasakupan amo ang deliberations para sa pagboto sa conviction threshold.
“I am no longer inclined to seek participation in the impeachment trial of Vice President Sara Duterte, including its eventual deliberations leading to the voting, if the Impeachment Court ultimately proceeds in a way that will desecrate the Constitution,” kabahin sang iya statement.
Ginpahayag man niya nga suno sa records sang 1986 Constitutional Commission, gintuyo sang mga framers nga ang Senate President lamang ang mag-preside sa impeachment trials, luwas kun ang gina-impeach amo mismo ang Presidente sang Pilipinas.
Ini ang kabahin sang iya pag-insister nga indi dapat si Senator Francis “Chiz” Escudero ang presiding judge kundi si Senate President Sherwin Gatchalian.
“I firmly maintain that the designation of Senator Francis Escudero as Presiding Officer is constitutionally infirm. The records of the 1986 Constitutional Commission confirm that the framers intended the Senate President alone to preside over impeachment trials, except when the President of the Philippines is on trial,” pahayag pa ni Marcoleta.
Nagpagwa ang detained senator sang amo nga statement matapos gin-istoryahan sang impeachment court sang Miyerkules ang mga posisyon sang mga amici curiae ukon “friends of the court” kaangot sa kun pwede mahulag ang numero sang mga senador nga kinahanglan para sa conviction sang respondent.
Sa subong, upod kay Marcoleta, tatlo pa ka senador ang wala makatambong sa proceedings — si Loren Legarda, si Ronald “Bato” Dela Rosa, kag si Jinggoy Estrada.
Si Marcoleta ang na-preso bangud sa plunder case nga may kaangtanan sa ginapahayag nga P75-million nga campaign donation nga iya nabaton sang nagapungko pa siya bilang party-list representative.
“The Senate’s sole power to try and decide impeachment cases is broad but exists only within the bounds fixed by the Constitution. I cannot even begin to think that we can achieve the constitutional accountability sought in this trial while openly — and with impunity — bastardizing the very Constitution from which that power arises,” suno kay Marcoleta.
Ginalauman nga magadesisyon ang senator-judges bwas, Septyembre 23, kun baliskaron ukon indi ang 16-vote threshold. Antes sini, pamatian anay ang oral arguments sang defense kag prosecution teams.#
