Ginapapauli na ni President Ferdinand “Bongbong” Marcos Jr. si suspended Negros Oriental Rep. Arnolfo Teves matapos ngaa wala ini ginhatagan sang political asylum sa Timor-Leste.
Ini suno kay Marcos ang pinakamaayo nga advice nga iya mahatag sa mamalidha nga amo ang ginatudlo nga mastermind sa Degamo assassination.
“Come home. That’s the best I can give him. Come home,” pahayag ni Marcos.
Suno pa sa presidente, nakaistorya niya si Timor Leste Prime Minister Taur Matan Ruak kadungan sang 42nd Association of Southeast Asian Nations Summit kag lakip sa naistoryahan ang ginhingyo ni Teves nga political asylum sa amo nga pungsod.
Una na nga gin-anunsyo sang Department of Foreign Affairs nga ginbasura sang Timor-Leste ang amo nga asylum request ni Teves kag ginhatagan ini sang lima ka adlaw agud magbiya sa amo nga pungsod.
Nag-apelar pa si Teves nga ikonsiderar liwat sang Timor-Leste ang request, apang nagpahayag man si Justice Secretary Jesus Crispin ‘Boying’ Remulla nga padayunon man sang Pilipinas ang pagpamatok sa request sang mamalidha. #
