Nagpasalig si President Ferdinand “Bongbong” Marcos Jr. nga siguruhon niya ang pag-uswag sang rice industry sa Pilipinas kag protektahan ang interes sang local farmers.
Kadungan ini sang 6th International Rice Congress sa Philippine International Convention Center sa Pasay City, Oktubre 16.
Pahayag pa ni Marcos nga amo man ang tiglikom sang Department of Agriculture (DA), ang ugat sang problema sa bugas diri sa pungsod ang tuga sang nagkalain-lain nga factors kaangay sang kalamidad kag iligal nga buluhaton — halimbawa, smuggling.
Paandam sini, himuon sang gobyerno ang tanan agud nga malagas kag madagdagan sang penalidad ang sin-o man nga involved sa smuggling kag hoarding.
Suno pa sa natungdan, padayon ang pagpakig-angot kag pag-trabaho sang Pilipinas kaupod sa international institutions kag foreign governments para sa development kag agud mapakigbahin man ang crucial technologies kag strategies.
Si Marcos amo ang nagapamuno sa DA halin sang nagpungko man ini bilang presidente sang Pilipinas. #
