Natalana nga maga-istoryahanay liwat sanday President Ferdinand Marcos Jr. kag Ukrainian President Vlodymyr Zelensky.
Suno kay Charge d’affaires Denys Mykhailiuk, nagapadayon subong ang arrangements para nga makaistoryahanay ang duha ka presidente paagi sa telepono.
Lakip sa ginalauman nga malakip sa diskusyon amo ang posible nga pag-export sang Ukraine sang vegetable oil kag sunflower oil sa Pilipinas, kag ang pagbinuligay sang duha ka pungsod sa maritime trade.
Handa man si Zelensky nga ipakigbahin sa Manila ang estratehiya sang militar nga ginagamit sa Kyiv sa tunga sang pagpang-atake sang Russia.
Suno kay Mykhailiuk, bukas man si Zelensky nga batunon ang Filipino migrant workers sa Ukraine kun matapos na ang inaway.
Nahanda na sang Ukrainian government suno sa iya ang ila nga recovery plan pagkatapos sang kumplikto nga ginsuguran sang Moscow.
Lakip sa ginapanan-aw sang envoy nga nagapanguna nga kinahanglanon sa Ukraine amo ang engineers, kag construction kag development workers.
Ginapanan-aw man nga sa masunod nga 50 ka tuig, ang Ukraine amo ang pinakadaku nga construction site sa bilog nga Europa. #
