Masobra 20 ka mga eskwelahan sa Western Visayas, apektado sang Bagyo Kristine

𝗜𝗟𝗢𝗜𝗟𝗢 – Nagdangat sa 27 ka mga eskwelahan sa Western Visayas ang apektado sang Bagyo Kristine.

Sa interview sang Bombo Radyo kay Mr. Hernane Escullar Jr., spokesperson sang Department of Education Region 6, iya ginpahayag nga sa nasambit nga mga eskwelahan, 59 ang may minor damaged, 15 ang totally damaged kag lima naman ang may major damaged.

Suno kay Escullar, sa may minor damaged, 14 sa Iloilo, 19 Negros Occidental, tatlo sa Roxas City, 13 sa San Carlos City kag 10 sa Himamaylan City.

Sa totally damaged naman, isa sa Iloilo, walo sa Negros Occidental, isa sa San Carlos City kag lima naman sa Himamaylan City.

Sa mga major damaged naman, isa sa Iloilo, duha sa Negros Occidental kag duha naman sa Himamaylan City.

Sa mga non-infrastructure damaged naman, nakarekord ang ahensya sang 7, 713 nga learning references kag anom ka mga computer equipment.

Ang nasambit nga data ang as of October 25, 2024 kag padayon pa ang verification.