Masobra 600 ka mga buluthuan sa Western Visayas ang nag-shift sa alternative delivery mode (ADM) kasunod sang mataas nga heat index sa rehiyon.
Sa interview sang Bombo Radyo kay Mr. Hernani Escullar, Jr., iya ginpahayag nga 5 division ang nagkanselar sang klase sa rehiyon
kon sa diin, masobra 381,000 ang apektado nga learners.
Santo sa data, 93 ang nagpatuman sang hybrid learning; 101 ang Dynamic Learning Program, kag 458 naman ang nagapatuman sang Self-Learning Modules (SLMs).
Suno kay Escullar, ang sitwasyon sang tagsa ka eskwelahan ang gina-report sa school heads kag magakoordinar sa school superintendent agud mahatagan sang intervention.
Sa subong, wala pa sang nabalhag nga health related incident ang talatapan.
