Ginakonsiderar ni Asia’s Next Top Model Maureen Wroblewitz ang pagpasakop sa beauty pageants apang wala niya ginkumpirma kun may plano siya nga sudlon ang Miss Universe Philippines subong nga tuig.
May mga nagalagaw na nga report nga isa si Maureen sa mga nag-audition agud mangin flag-bearer sang isa ka sikat nga pageant camp sa Miss Universe Philippines 2021.
“I’ve always considered joining pageants… As in my other interviews, I’ve always said that I’ve considered it, that I am not closing any doors,” pahayag ni Maureen.
Kasunod sini gin-athag sang 22 anyos nga model nga magapasakop lamang siya sa pageant kun 100 percent ready na siya para diri.
Subong na ayhan ina nga tuig? “I am not so sure yet because this is the year, I’ve heard, that you have the least preparation time. I really want to be ready if I do join.”
Suno kay Maureen, sa subong nagatutok anay siya sa iya acting career.
Nagalaum man siya nga makatrabaho ang iya boyfriend nga si Juan Karlos Labajo sa masunod nga mga proyekto.
