ILOILO CITY- Kampante si Iloilo City Mayor Jerry Treñas nga indi magmadinalag-on ang panumbungon nga ginpasaka batok sa iya ni Mr. Nereo Lujan, chief sang Iloilo Provincial Public Information and Community Affairs Office.
Ini may kaangtanan sa mga kaso nga grave misconduct, abuse of authority, conduct unbecoming, and acts prejudicial to the interest of service nga gin-file sa Ombudsman ni Lujan bangud sa pag-demolish sa 80-anyos nga art deco façade sang Iloilo Central Market.
Sa interview sang Bombo Radyo kay Mayor Treñas, iya liwat nga ginpanindugan nga wala gid siya sang may ginlapas nga laye.
Suno sa alkalde, nasunod ang tanan nga proseso kag may permit halin sa National Historical Commission.
Nahibaluan nga sang Agusto 2022, isa ka lease agreement ang ginpirmahan nga nagapasiguro nga ang façade sang Central Market ang indi pagtandugon bangud sa its heritage status.
