ILOILO CITY – Nagpaguwa sang executive order 159 si Iloilo City Mayor Jerry Treñas nga nagamandu nga magbalay sang route council may kaangtanan sa modernization program.
Ang Local Public Transport Route Council ang ginapangunahan ni Treñas samtang ang alternative chairman naman amo si Iloilo City Councilor Rommel Duron kag vice chairman naman si Public Safety and Transportation Management Office Head Mr. Jeck Conlu.
Sa interview sang Bombo Radyo kay Conlu, iya ginpahayag nga kinahanglan nga tun-an sang route council ang mangin ruta sang modernized jeepney.
Suno kay Conlu, sa June 2020, dumili-an na ang mga tricycle kag trisikad nga magbiyahe sa national road agud malikawan ang pagpugok sang trapiko.
Sa pagkamatuod suno kay Conlu, madugay na kun tani nga natapos ang route plan apang naatrasar bangud sa eleksyon kag iban pa nga aktibidad.
