ILOILO CITY – Nagbalik na sa normal ang sitwasyon sang medical consultation sa Iloilo pagkatapos sang halos duha ka tuig nga nagsirado ang mga clinic kag madamo ang pagsulundan nga ginapatuman sa mga ospital.
Sa interview sang Bombo Radyo kay Dr. Anita Jesena, Oncologist, iya ginpahayag nga sa subong, tuman ka dako sang pagbag-o sang consultation.
Suno kay Jesena, wala na sang may ga upang kaangay sang limitasyon sa numero sang pasyente nga mahimo ma-cater kag indi na kinahanglan ang negatibo nga resulta sang RT-PCR test sa pagpadulong sa mga health facilities.
Dugang pa ni Jesena, apisar nga nagbalik na sa normal ang medical consultation, ginapatuman sa gihapon ang pagsunod sang mga minimum health standards.
Nagpahanumdom naman si Jesena sa publiko nga magpadulong sa gilayon sa doktor sa tion nga may mabatyagan na sa lawas kag indi paghulaton nga maglala na ang sitwasyon.
Sa subong nga naghalog na ang pagsulundan, nagpahanumdom si Jesena nga magsuksok sang mask sang insakto, ipabilin ang katinlo sang lawas kag magkadto sa doktor.
