ILOILO CITY – Ginapapasa ni Iloilo City Mayor Jerry Treñas sang action plan para sa 2020 ang tagsa ka department head sa Iloilo City Hall.
Sa interview sang Bombo Radyo kay Treñas, iya ginpahayag nga ang iya nga pagpapasa sang action plan ang kabahin sang pag level-up sang syudad sang Iloilo.
Suno kay Treñas, ang mga department head ang indi lang dapat maghulat sang sweldo nga wala nagatrabaho.
Ginpahayag ni Treñas nga wala niya gina-istriktuhan ang mga department head sa baylo luyag lamang niya nga may yara sang accomplishment para sa kaayuhan sang syudad sang Iloilo.
Kun mapaslawan sa pagpasa sang action plan, wala sang may ihatag nga pondo para sa departamento.
