Nagpasalig ang Department of Migrant Workers (DMW) nga maghatag sang assistance sa mga overseas Filipino workers (OFWs) nga apektado sang visa suspension sa Kuwait.
Kabug-usan nga 815 ka OFWs ang padulong kuntani sa amo nga pungsod apang wala nadayon bangud sa visa suspension.
Nagapakig-angot na subong ang Department of Foreign Affairs (DFA) sa Kuwaiti government agud mahibaluan kun paano sini ma-solbar ang amo nga isyu.
Suno kay DMW Secretary Secretary Susan ‘Toots’ Ople, magabaton sang P30,000 nga financial assistance ang apektado nga overseas workers agud nga mabawi ang gasto sa application process.
Suno kay Ople, may mga Pinoy nga may yara na sang Overseas Employment Certificate kag nagahulat na gid lang sang flights sa Kuwait.
Sa 815 nga apektado, 514 suno sa tiglikom ang eksperyensyado na nga domestic workers.
Ginpasalig naman ni DMW Undersecretary Hans Leo Cacdac nga may ihatag man nga livelihood kag employment assistance.
Sa subong suno sa iya, may yara na sang profiling sa apektado nga Pinoy worker agud mahibaluan ang ila nga abilidad kag kun ano ang mas pilion nga trabaho. #
