Ginabanta 7.9-million ka mga Pinoy ang wala sang trabaho sa third quarter subong nga tuig — pinaka-manubo nga rekord halin sang 2017.
Base sa survey nga ginpatigayon sang Social Weather Stations (SWS) sang Septyembre 28-Oktubre 1, yara sa 16.9% ang adult joblessness rate sang adult labor force.
Sa sini nga survey, ang adult joblessness rate ginabug-usan sang adults nga naghalin sa ila daan nga trabaho, mga nadulaan sang obra bangud sa economic circumstances nga indi nila makontrol, kag mga tawo nga nagapangita pa lamang sang trabaho sa labing-una nga tion.
Nagnubo ini nga rate halin sa 22.8 percent sa amo man nga survey nga ginpatigayon sang Hunyo. Pinakamanubo man ini nga rate halin sang na-rekord ang 15.7 percent sang Disyembre 2017.
Sandig gihapon sa pinakaulihi nga SWS survey, nagsaka ang labor participation rate sa 63.3 percent (ukon ginabanta 46.5 million ka mga tawo) halin sa 61.5 percent sang Hunyo (ginabanta 45.3 million).
Ipaanggid sa data sang Hunyo 2023, ginpahayag sang SWS nga ang joblessnees sa latest survey ang nagnubo sa tanan nga areas.
Ini nga survey ang may yara sang 1,200 adult respondents nga may margin of error nga plus/minus 2.8 percent para sa national percentages.# PHOTO: WALTER BOLLOZOS
