ILOILO CITY- Wala pa sa gihapon nakahikutar sang mga requirements ang iban nga tag-iya sang mga boarding houses sa syudad apisar gindagdagan na sang notice for closure.
Sa interview sang Bombo Radyo kay Rudy Tipanan, tag- iya sang boarding house sa San Nicolas, La Paz, Iloilo City, iya ginpahayag nga subong nga semana hingagawon niya nga magproseso sang permit kag mag-comply sa mga reiiurements nga ginapangayo sang Iloilo City Government.
Suno kay Tipanan, kalabanan sa iya nga boarders amo ang mga estudyante.
Matandaan nga sa amo nga barangay natabo ang sunog sang nagligad nga semana nga nagresulta sa kamatayon sang duha ka boarders.
Kasunod sini, ginpasirado man ang mga boarding houses nga wala sang permit sa amo nga barangay.
