Magatukod sang pasilidad sa Pilipinas ang American biotech company nga Moderna nga amo ang isa sa una nga nakahimo sang bakuna para sa kalibutan sa kasagsagan sang coronavirus pandemic.
Suno sa ginpaalinton sang mga opisyal sang nasambit nga pharmaceutical and biotechnology company, ini nga pasilidad ang maga-serbe para sa bilog nga Asia Pacific region.
Ini nga plano ang ginpakigbahin ni Moderna Chief Commercial Officer Arpa Garay kag Senior Vice President and General Manager Patrick Bergstedt kay President President Ferdinand Marcos, Jr. sang sila ang nakakit-anay sa Blair House sa Washington.
Kun maka-umpisa na sa operasyon, ini nga service facility amo ang makabig ikatatlo sa bilog nga kalibutan — kasunod sang duha ka nauna nga yara subong sa Poland kag sa Georgia sa Estados Unidos sang Amerika.
Ginalauman nga makahatag ini sang trabaho sa 50 ka health professionals kag suno sa Malacañang, posible nga tukuron ini sa Makati ukon sa Bonifacio Global City sa Taguig.
