ILOILO – Naglab-ot na sa 9 ka mga kapulisan ang napang dismiss sa serbisyo sa Police Regional Office 6 bangud nangin imbolbado sa ilegal nga droga ini ang may kaangtanan sa nagapadayon nga Internal Cleansing sa linya sang mga kapulisan.
Nahibaluan nga ang siyam ka mga kapulisan nga na dismiss sa serbisyo amo sanday PO3 Charlie Lamis Blanza, PO1 Angelo M. Ca-al, PO1 Henson Digon, PO2 Victor Jimenia, Patrolman Kennet Escolta, Patrolman John Paul Talaban, PSSG Jojie Salahid, Patrolman Joselito Colantro Jr. kag Pol.Cpl.Pedrito Lupo.
Samtang may yara man sang 11 ka mga kapulisan nga iga rekomendar para sa dismissal bangud man sa kaangay nga kaso, amo sanday PO1 Oliver Train, PO3 Jose Delgado,PO1 Raymund Bolivar,PO3 Miguel Blancia,SPO1 Danilo Bantillo,PO1 Mark Felecio,PO2 Jesus Patrick Dela Cruz, PO1 Jeryan Aranda,PO1 Domar Deocampo, PO1 Stephen Magno kag PAT Bryan Jepthah Gimotea.
Sa interview sang Bombo Radyo kay Police Regional Office 6 Director Pol.Brig.Rene Pamuspusan, iya ginpahayag nga indi sila magpangduha-duha nga pangkakason sa serbisyo ang mga kapulisan nga imbolbado sa ilegal nga droga.
Suno kay Pamuspusan, mas pasangkaron sang Philippine Regional Office 6 ang counter intellegence effort kag nag mando man siya sa mga kapulisan nga mas pabaskugon ang neutralization sa mga high value target.
Dugang sang natungdan, nagakadapat man nga mangin mabaskog ang koordinasyon sang Philippine National Police sa iban nga ahensya sang gobyerno may kaangtanan sa pagpatuman sang drug clearing operation.
